Një ngjarje e rëndë është shënuar në qytetin e Kavajës, ku 47-vjeçari Alket Isufi humbi jetën pasi u godit me thikë nga shtetasi Landi Puja.
Mësohet se konflikti ka nisur për motive të dobëta. Viktima kishte parkuar automjetin përpara banesës së Landi Pujës, por ky i fundit ka dalë nga shtëpia dhe i ka kërkuar 47-vjeçarit të largonte makinën nga hyrja.
Gjatë debatit, Alket Isufi, dyshohet se i është përgjigjur në mënyrë të ashpër autorit. Në atë moment, Land Puja ka nxjerrë një mjet prerës (thikë) dhe e ka goditur viktimën dy herë në pjesën e zemrës.
47-vjeçari u dërgua menjëherë në spital, por nuk ka mundur t’u mbijetojë plagëve të marra. Ndërkohë, autoritetet po punojnë për zbardhjen e plotë të rrethanave të ngjarjes.
