Prokuroria e Durrësit ka regjistruar procedim penal për veprat penale të përgjimit të paligjshëm dhe kontrabandës lidhur me pajisjet përgjues që u bllokuan në Portin e Durrësit. Lidhur me këtë skandal të gjitha institucionet kanë heshtur, ndërsa dy zyrtarët e Guardia di Finanza dhe një person tjetër, të cilët futën pajisjet përgjues në Shqipëri, janë lejuar të largohen për në Itali.
Prokuroria duhet të japë përgjigje nëse janë bërë përgjime, të cilat janë të paligjshme pasi nuk ka pasur një vendim gjyqësor. Në Shqipëri shpesh janë kapur pajisje përgjues të cilat janë përdorur për përgjime të njerëzve të politikës apo eksponentëve të krimit të organizuar.
