Gjykata Administrative ka shtyrë seancën lidhur me padinë e kryebashkiakut të Tiranës, Erion Veliaj, i cili kërkon shpalljen e pavlefshme të emërimit si prokuror në vitin 2008. Seanca e radhës është caktuar për më 8 maj, ora 14:00.
Gjyqtarët njoftuan se shtyrja është bërë për të rregulluar çështjet procedurale, ndërsa paralajmëruan se në të kundërt mund të vendoset pushimi i padisë.
“Seanca shtyhet që të rregullohet ndërgjyqësia në të kundërt do të vendoset pushimi i padisë”, u shpreh gjykata.
Veliaj ka argumentuar më parë se është në konflikt interesi me prokurorin Ols Dado, duke theksuar se ky i fundit ka kërkuar leje ndërtimi përmes telefonit të prokurorisë dhe ka vizituar shpesh Bashkinë e Tiranës.
