Behgjet Pacolli
Ish-presidenti i Kosovës Behgjet Pacolli dëshmoi për më shumë se 3 orë e gjysmë për përplasjen me ortakun e tij Valon Ademi per aksionit e aeroportit të Vlorës.
Pacolli, dha një prononcim të shkurtër për mediat pas daljes nga Prokuroria e Tiranës, ku qëndroi për më shumë se tre orë. Ai deklaroi se çështjen e ka lënë “në dorë të drejtësisë” dhe se ka besim të plotë te vendimet gjyqësore, duke theksuar se do të veprojë në përputhje me to.
Sa i përket projektit të aeroportit të Vlorës, ai u shpreh me bindje se ndërtimi i tij do të vijojë, madje shtoi se “do të jetë ndoshta aeroporti më i bukur në rajon”.
Pacolli mohoi ta ketë takuar kryeministrin Edi Rama për këtë çështje.
