Në Lezhë është zhvilluar një operacion i gjerë policor në kuadër të hetimeve për tjetërsimin e pronave dhe ndërtimet pa leje në zonat bregdetare të Patokut dhe Shëngjinit.
Sipas informacioneve, me urdhër të Prokurorisë së Lezhës dhe vendim të gjykatës, janë lëshuar 10 urdhër-arreste, një pjesë e të cilave janë ekzekutuar nga policia.
Burime bëjnë me dije se mes personave të ndaluar apo në kërkim ka zyrtarë publikë, efektivë policie dhe punonjës të hipotekës së Lezhës, të cilët dyshohet se kanë abuzuar me detyrën për përfitime në mënyrë të paligjshme.
Hetimet vazhdojnë për identifikimin e personave të tjerë të përfshirë dhe zbardhjen e plotë të skemës së tjetërsimit të pronave në zonat turistike.
