Një ngjarje e rëndë është regjistruar në fshatin Portez të Fierit, ku një 40-vjeçar është gjetur i pajetë në banesën e tij, i qëlluar me armë zjarri. Viktima është identifikuar si Taulant Halka, punëtor ndërtimi dhe baba i dy fëmijëve.
Sipas informacioneve paraprake, dyshohet se ngjarja është vetëvrasje, ndërsa autoritetet vijojnë hetimet për zbardhjen e plotë të rrethanave. Burimet policore bëjnë me dije se Halka jetonte në Vlorë dhe kishte konflikte me bashkëshorten, e cila më parë kishte kërkuar urdhër mbrojtjeje.
40-vjeçari kishte shkuar në Portëz te shtëpia e prindërve të tij dhe, në një gjendje depresive, dyshohet se ka vendosur t’i japë fund jetës. Ngjarja ka ndodhur në dhomën e gjumit, ku Halka përdori një armë gjahu çifte, e cila ishte në pronësi të babait të tij dhe përdorej me leje.
Autoritetet lokale po vijojnë hetimet dhe analiza për të kuptuar shkaqet dhe rrethanat e sakta të ngjarjes. Familjarët dhe komuniteti lokal janë tronditur nga ky incident tragjik, ndërsa policia apelon për ruajtjen e qetësisë dhe bashkëpunimin e banorëve.
