Biznesmeni Klodian Allajbeu u paraqit në Prokurorinë e Posaçme në praninë e një avokati. Pronari i Spitalit Amerikan është nën hetim për disa vepra penale, që lidhet kryesisht me koncesionet në shendetësi.
Ai dyshohet nga SPAK se kontrollon përmes njerëzve të tij të besuar koncesionin e laboratorëve, ndërsa ka fituar dhe procedura tenderuese. Më herët, në kuadër të hetimeve BKH ka ushtruar kontroll në kompaninë e tij “Evita”, Spitalin Amerikan, por edhe në disa kompani të tjera që zotërohen nga njerëz të besuar të biznesmenit.
Ndërsa disa prej bashkëpunëtorëve të tij u janë sekuestruar celularët. Fakti që Allajbeu është në shoqërinë e një avokati ngrihen dyshime se hetimet për të kanë avancuar ndjeshëm.
