Mirlinda Karçanaj dorëhiqet nga posti i drejtoreshës së AKSHI-t, e akuzuar nga SPAK për shkelje të barazisë në tendera publike e kryer në bashkëpunim dhe kryerje të veprave penale nga organizata kriminale dhe grup i strukturuar kriminal.
Siç raportoi më herët VNA, në këtë detyrë do ta zëvendësojë Igli Tafa, që drejtonte Autoritetin Kombëtar për Sigurinë Kibernetike.
Ndaj Karçanajt GJKKO ka vënë masën e sigurisë “arrest shtëpie” në kuadër të hetimeve për tenderat e institucionit.
Që prej arrestit shtëpiak, Karçanaj funksionet ia kishte deleguar vartëses së saj, Romina Kostanit, drejtoreshë e Drejtorisë së Koordinimit të Agjendës Digjitale dhe projekteve e-Gov me Fondet e Huaja.
