Perlat Vatoci është emëruar Drejtor i Policisë Rrugore. Më herët, ai ka qenë Këshilltar i Drejtorit të Përgjithshëm të Policisë së Shtetit. Vatoci zëvendëson në këtë detyrë Altin Qaton, i cili është transferuar pranë Akademisë së Sigurisë.
Ndërkohë, Arbër Zemani është emëruar Drejtor i Drejtorisë Rajonale të Kufirit në Shkodër. Më parë, ai ka punuar në sektorin e narkotikëve.
Adrit Elmazi, i cili mbante postin e shefit të Kufirit në Shkodër, është transferuar si Specialist në Drejtorinë Strategjike të Policisë së Shtetit.
