Një tjetër humbje e rëndë ka tronditur familjen Azizllari nga Maliqi. Ditën e sotme ka ndërruar jetë edhe vajza 6-vjeçare, Nefeli Hazisllari, e cila po trajtohej në Qendrën Spitalore Universitare “Nënë Tereza” në Tiranë, në Shërbimin e Djegie-Plastikës, pasi kishte pësuar djegie të rënda në trup nga zjarri që përfshiu banesën e familjes së saj.
Ngjarja tragjike ndodhi paraditen e 19 tetorit, në një lagje të qytetit të Maliqit, ku flakët përfshinë banesën e familjes Azizllari. Si pasojë e zjarrit humbën jetën në vend nëna, Merjeme Azizllari (40 vjeç) dhe djali 14-vjeçar, Luka, ndërsa e mitura Nefeli u transportua në gjendje të rëndë drejt Tiranës.
Pavarësisht përpjekjeve të mjekëve, 6-vjeçarja nuk arriti t’i mbijetojë plagëve të marra, duke e çuar në tre numrin e viktimave të kësaj ngjarjeje tragjike që ka tronditur opinionin publik.
Autoritetet vijojnë hetimet për të përcaktuar shkaqet e saktë të zjarrit, që dyshohet se ka ardhur nga një defekt elektrik në banesë.
