Gazetari dhe analisti i njohur shqiptar, Artur Zheji, është ndarë sot nga jeta. Sipas burimeve të para, Zheji ndodhej në një restorant në rrugën Butrinti në qytetin e Sarandës, duke drekuar me familjarët, kur është ndjerë keq.
Menjëherë pas këtij momenti, familjarët kanë njoftuar shërbimin e urgjencës, por pavarësisht përpjekjeve për ta ndihmuar, ai ka ndërruar jetë gjatë transportit për në spital.
Artur Zheji ka qenë një nga figurat më të spikatura të medias dhe analizës politike në Shqipëri, me një karrierë të gjatë si gazetar, analist, dhe drejtues institucionesh mediatike.
