Gjykata e Posaçme e Apelit për Korrupsionin dhe Krimin e Organizuar ka vendosur të lërë në fuqi masën e sigurisë “arrest në burg” për shtetasin G.F., pas shqyrtimit të ankesës së paraqitur prej tij. Vendimi u shpall sot nga gjyqtarja Igerta Hysi.
Sipas njoftimit për mediat, Apeli shqyrtoi ankimin kundër vendimit nr. 88, datë 30.08.2025 të Gjykatës së Posaçme të Shkallës së Parë, por vendosi ta rrëzojë atë, duke konfirmuar masën e arrestit me burg për G.F. Ky vendim mund të ankimohet në Gjykatën e Lartë brenda 45 ditëve nga dita e njoftimit zyrtar.
Ndërkohë, në një vendim të mëparshëm, Gjykata Kundër Korrupsionit dhe Krimit të Organizuar kishte konfirmuar gjithashtu masën e arrestit me burg për ish-inspektorin e IMT-së, shtetasin K.Zh., i cili ndodhet nën hetim për veprimtari të dyshuara korruptive në ushtrimin e detyrës.
