Pas 40 ditësh në qeli, Alti Nallbati, vëllai i deputetit demokrat Bledjon Nallbati, si dhe Marsel Bucci dhe Trajan Çeliku, kanë lënë burgun e Drenovës, pasi gjykata ka ndryshuar masën e sigurisë nga “arrest në burg” në “arrest shtëpie”.
Tre të dyshuarit akuzohen se më shumë se një muaj më parë, në Bilisht, kanë marrë me forcë dhe kanë dhunuar 32-vjeçarin Ilir Topçiu, duke e mbajtur peng për disa orë në një magazinë.
Ngjarja tronditi opinionin publik dhe solli shkarkimin e drejtorit të Policisë së Qarkut, Erion Ahmeti, si dhe pezullimin e zëvendësdrejtorit për Hetimin e Krimit në DVP Korçë, Hajri Kushe.
Alti Nallbati dhe Trajan Çeliku akuzohen për “heqje të paligjshme të lirisë” dhe “kanosje”, ndërsa Marsel Bucci edhe për “plagosje të lehtë me dashje”. Hetimet për çështjen vijojnë.
