Tre shtetas italianë janë mes gjashtë personave të proceduar penalisht pas protestës së 8 majit të organizuar nga Partia Demokratike, ku u regjistruan përplasje dhe akte dhune ndaj forcave të policisë.
Sipas hetimeve paraprake, ata dyshohet se kanë marrë pjesë në dhunën e ushtruar ndaj efektivëve, por nuk rezultojnë të përfshirë në hedhjen e mjeteve shpërthyese të tipit molotov.
Të huajt janë marrë në pyetje nga autoritetet hetimore, por kanë refuzuar të japin shpjegime mbi arsyet e pjesëmarrjes së tyre në protestë dhe mënyrën se si janë bërë pjesë e tubimit.
Në total, për ngjarjet e asaj proteste janë proceduar gjashtë persona, të dyshuar për akte dhune dhe përdorim molotovësh ndaj policisë gjatë tubimit.
