Familja e Martin Canit, 14-vjeçarit të vrarë në nëntor 2024 pas një përleshjeje në shkollë, ka reaguar pas vendimit të Gjykatës Kushtetuese që shpalli antikushtetues mbylljen e rrjetit social TikTok.
Në një deklaratë publike, familja thekson se vrasja e Martinit nuk ka lidhje me rrjetet sociale dhe akuzon qeverinë se përdori tragjedinë e djalit të tyre si pretekst për censurë dhe manovra politike.
Sipas tyre, shkaku i vërtetë i tragjedisë është mungesa e sigurisë në shkolla, papërgjegjshmëria institucionale dhe dështimet e sistemit shëndetësor, duke përmendur edhe raste të tjera të dhunës mes të miturve në vend.
Familja Cani deklaron se nuk do të heshtë dhe se do të vazhdojë të kërkojë drejtësi për Martinin, duke kërkuar masa reale për sigurinë e fëmijëve dhe jo “reforma kozmetike” apo ndalime të rrjeteve sociale.
