Mark Nika, xhaxhai i Aleks Nikës, një prej 4 qytetarëve të vrarë më 21 janar 2011, mbërrin në SPAK ku thotë se i ka kërkuar takim Alfred Shehut, prokurorit që po heton ngjarjet e dhunshme të 15 viteve më parë. SPAK po heton se kush dha urdhrin për të qëlluar mbi protestuesit.
Në dalje nga SPAK, Nika cilësoi ish kryeministrin Sali Berisha dhe ish ministrin e brendshëm Lulzim Basha si përgjegjës për vrasjen e nipit të tij. Nika tha se ka ende besim te drejtësia e re dhe te SPAK-u për zbardhjen e këtij krimi shtetëror me vënien para përgjegjësisë të urdhëruesve dhe ekzekutorëve.
Në bulevardin Dëshmorët e Kombit u vranë 4 protestuesit: Ziver Veizi, Faik Myrtaj, Aleks Nika dhe Hekuran Deda.
