Drejtori i burgut të Rrogozhinës, Bilal Hasa, do të hetohet në gjendje të lirë pas zbulimit të një magazine në pronësi të tij, brenda së cilës u gjetën 4 mijë bimë hashashi. Gjatë dëshmisë në polici, ku u paraqit vullnetarisht, Bilal Hasa ka deklaruar se me banesën merret i vëllai, Romario. “Nuk kam lidhje me asnjë aktivitet të paligjshëm. Për banesën kujdeset vëllai”, ka deklaruar ai.
Për këtë arsye, policia pasi i ka marrë dëshminë e ka lënë të lirë. Ndërsa në kërkim është shpallur i vëllai i tij. Bilal Hasa është pezulluar nga detyra me vendim të drejtorit të Përgjithshëm të Burgjeve derisa të sqarohet ngjarja. Magazina me hashash u zbulua dje në fshatin Kurtaj, Peqin. Në kërkim u shpall dhe përgjegjësi i OSHEE për Peqinin nën dyshimet për shpërdorim detyre.
