Drejtori i Përgjithshëm i Burgjeve, Klesis Qose u lirua nga detyra, pas më shumë se dy vite nga emërimi në këtë pozicion. Motivacioni i largimit të Qoses ende nuk është bërë publik, por një nga ngjarjet më të rënda që u shënua gjatë kohës që ai drejtoi institucionin e Burgjeve, ishte arratisja e bujshme nga spitali rajonal i Durrësit e Altin Ndocit, krahut të armatosur të organizatës kriminale të drejtuar nga vëllezërit Franc e Hajdar Copjas.
Ndërsa së fundmi, u zbulua dhe një magazinë me hashash në Peqin, në pronësi të familjarëve të drejtorit të burgut të Rrogozhinës. Këto ngjarje ndoshta kanë ndikuar edhe në largimin e Qoses nga detyra.
Në vend të tij është emëruar Adriatik Kupi. Ai ka qenë administrator i Njësisë së Petrelës në Tiranë, si dhe detyrën e drejtorit të Operatorit të Sistemit të Shpërndarjes.
