Arrestohet në Itali Saimir Kolaveri, pjesë e grupit kriminal që urdhëroi vrasjen e Klevis Lleshit në 2020.
Sipas SPAK, Kolaveri ka vepruar si ndërmjetës mes kreut të grupit Aurel Hoxha dhe vrasësit të dyshuar Sabah Nuzi. Ky i fundit dyshohet se ka vepruar për llogari të Hoxhës dhe e rrëmbeu dhe vrau Lleshin për motive gjakmarrjeje. Prokuroria e Posaçme deklaroi se Aurel Hoxha e urdhëroi vrasjen e Lleshit në shenjë hakmarrjeje për vëllain e tij që u ekzekutua dhe u dogj në 2012 në Britaninë e Madhe. Nga familja Lleshi, për shkak të sagës së gjakmarrjes, janë ekzekutuar dhe zhdukur pa gjurmë 5 persona.
