Zv.kryeministrja, Belinda Balluku paraqet rekurs në Gjykatën e Lartë dhe kërkon shfuqizimin e vendimit të Apelit të Posaçëm që la në fuqi masën e sigurisë “ndalim për të dalë jashtë vendit” për të.
Ministrja e Infrastrukturës dhe Energjisë nuk ka ngritur pretendime lidhur me masën e pezullimit nga ushtrimi i funksioneve, pasi Apeli i Posaçëm tha se do të shprehet lidhur me masën ndaluese, pasi të njihet me vendimin e Gjykatës Kushtetuese.
Kjo e fundit, ende nuk ka dalë me një vendim lidhur me kërkesën e kryeministrit, i cili pretendon se pezullimi nga detyra i një anëtari të kabinetit qeveritar është antikushtetues. Vendimi i Kushtetueses pritet të shpallet në fillim të javës së ardhshme.
Belinda Balluku është e pandehur nga SPAK për tenderin për ndërtimin e tunelit të Llogarasë, ndërsa nën hetim për tendera të tjerë në vlerë miliona euro. SPAK ka kërkuar leje në Kuvend për arrestimin e saj, por edhe Këshilli i Mandateve dhe Imuniteteve vendosi ta shtyjë mbledhjen derisa Kushtetuesja të shprehet për çështjen.
