Inez Hajrulla dhe krahu i tij i djathtë Ervis Matodashaj i shpëtuan një aksioni të RENEA-s për arrestimin e tyre, pasi SPAK ka firmosur masa sigurie për ta, nën dyshimet për vrasjen e Gentian Qarrit në 2021.
Hajrulla, është ndoshta emri më i rrezikshëm i botës së krimit për momentin në Vlorë dhe iu ka mbijetuar disa atentateve, përgjatë viteve 2017, 2019 dhe 2023.
Në 2017, Hajrulla u tentua të eleminohej nga një atentat me tritol, në një nga lokalet që frekuentohej nga Ediso Harizaj, i cili u vra në 2018 në Durrës. Në krye të grupit kriminal të Edison Faqedjegurit, pasi vrasjes së këtij të fundit u ngjit Hajrulla një vit pasi mundi ti mbijetonte shpërthimit të tritolit. Dy vite më vonë, 2019, Hajrulla ishte në shoqërinë e Ervis Matodoshajt duke pirë kafe në zonën e njohur si “7 pallatet Oslo”, kur u qëllua në drejtim të tij. Ai arriti të mbijetonte, ndërsa u plagos rëndësisht Dajko Canodemaj.
Në gusht 2023, Inez Hajrulla dhe Ervis Matodoshaj dyshohet se ishin shënjestër e një atentati që u parandalua nga Policia e Vlorës, e cila në atë kohë arrestpoi Amarildo Nikollin, që më pas mori statusin e të penduarit të drejtësisë. Ai zbuloi para SPAK se porositësi i vrasjes ishte Leonard Luzi.
Leonard Luzi është dënuar me 7 vite e 4 muaj, Amarildo Nikolli u dënua për shkak të statusit 2 vite e 9 muaj burg dhe tashmë ka rifituar lirinë, ndërsa Muharrem Koroveshi u dënua përfundimisht me 6.8 vite burg.
Vetë Inez Hajrulla është i dyshuar për krime të rënda, por zyrtarisht i dënuar në 2018 me shërbim prove për akuzat “Mosbindja ndaj urdhrit të punonjësit të policisë së rendit publik” dhe “Mbajtja pa leje dhe prodhimi i armëve, armëve shpërthyese dhe i municionit”.
