Marrin një tjetër kthesë hetimet për vrasjen e 44-vjeçarit italian Edoardo Sarchi, në fshatin Salari të Tepelenës.
Sipas ekspertizës mjeko-ligjore rezulton se Sarchi ka ndërruar jetë për shkak të një goditje në kokë, çka ka rrëzuar alibinë e ortakut i tij, Eqerem Braçi. Ky i fundit pretendoi para policisë, se bashkë me ortakun ishin nisur me dy makina për gjah, kur një person i panjohur iu preu rrugën dhe filloi të qëllonte ndaj automjetit me të cilin udhëtonte ortaku i tij. Për pasojë Sarchi humbi jetën.
Por pretendimet e tij u rrëzuan, pasi ekspertiza teknike nuk zbuloi asnjë gjurmë plumbi në automjetin e shtetasit Italian.
Policia ka ndaluar Gazment Braçin, djalin e Eqerem Braçit, pasi dyshohet se ka qenë i pranishëm në ngjarje.
Italiani ishte administrator i fabrikës së tullave që kishte bashkë me Braçin në Tiranë.
