Kreu i SPAK Klodian Braho dhe dy prokurorët Dorina Bejko e Vladimir Mara udhëtojnë drejt Shteteve të Bashkuara të Amerikës për vizitë zyrtare. Kjo është vizita e parë e Brahos në Amerikë që nga ardhja në krye të SPAK. Lufta kundër krimit të organizuar dhe në veçanti trafikut të kokainës është një nga prioritetet e SHBA-ve dhe SPAK ka bërë disa goditje në këte drejtim.
Gjithashtu, kjo vizitë vjen pas kontakteve dhe vizitave të mëparshme zyrtare të drejtuesit të SPAK-ut Altin Dumani në Shtetet e Bashkuara, të cilat kanë shërbyer për forcimin e bashkëpunimit me partnerët amerikanë në luftën kundër krimit të organizuar dhe korrupsionit.
