Forcat operacionale të Drejtorisë së Përgjithshme të Burgjeve kanë zhvilluar sot një kontroll të befasishëm në burgun e Durrësit, ku janë sekuestruar pesë telefona iPhone, të ndaluar brenda institucionit.
Telefona u gjetën të fshehura në dyert e dusheve, në Godinën “A”, kati i tretë, Sektori 1, një ambient i përbashkët për të burgosurit. Burime nga burgimi bëjnë me dije se aparatet dyshohet t’u përkisnin të dënuarve Flamur Kapri, Aldo Prifti dhe Vladimir Ibrushi.
Kujtojme qe ne burgun e Durresit ndodhet edhe ish kryetari i bashkise se Tiranes, Erion Veliaj dhe ish-ministri i Shëndetësisë, Ilir Beqja.
Njoftim për shtyp
Në orët e mëngjesit të sotëm, forcat operacionale të Drejtorisë së Përgjithshme të Burgjeve kanë zhvilluar një kontroll të befasishëm në Institucionin e Ekzekutimit të Vendimeve Penale (IEVP) Durrës.
Gjatë kontrollit janë gjetur pesë aparate telefoni celular të markës iPhone, të cilat përbëjnë sende të ndaluara në ambientet e institucionit.
Sendet janë gjetur të fshehura në dyert e dusheve (ambient i përbashkët), në Godinën “A”, kati i tretë, Sektori 1.
Dyshohet se këto telefona i përkisnin të dënuarve me inicialet F. K., A. P. dhe V. I.
Në lidhje me rastin, po vijon puna hetimore për identifikimin e plotë të personave përgjegjës dhe mënyrën se si janë futur sendet e ndaluara në institucion.
