Një indoneziane, 20-vjeçare bashkë me shoqet e saj kishte udhëtuar 5 muaj më parë nga vendi i saj drejt Shqipërisë, pasi kishte siguruar një kontratë pune si pastruese në një lokal në kryeqytet. Ata ishin vendosur në një shtëpi me qira në zonën e Brrylit në Tiranë.
Në këtë banesë, A.P, solli në jetë një vajzë dhe e braktisi foshnjën, për shkak të situatës së vështirë ekonomike ku ndodhej.
Sipas hetuesve ajo ishte në muajin e 5 të shtatzanisë kur mbërriti në Tiranë dhe e solli në jetë vajzën në kushte të mjerueshme.
Foshnja u gjet në gjendje të rëndë, por për fat mundi të mbijetonte. 20-vjecarja A.P po hetohet në gjendje të lirë për braktisje të foshnjes, ndërsa mikeshat e saj A. Ë., 29 vjeçe, B. L., 20 vjeçe, S. F., 28 vjeçe dhe P. G., 19 vjeçe, po hetohen për moskallëzim krimi.
