Gjykata e Posaçme e cila po shqyrton akuzat penale ndaj biznesmenit Pëllumb Gjoka dhe shtetasve Behar Bajri Brajoviç e Edmon Preka, të cilët janë të pandehur për vrasjen e Gjin Ndojit në gusht 2020, pranoi kërkesat e avokateve për provat, mes të cilave edhe dërgimin e një letërporosie të re në Francë për sqarimin e burimit të të dhënave SKY ECC.
Gjatë procesit këtë të enjte, avokatëve i’u pranua dhe kërkesa që te merret si provë edhe nje vendim i autoriteteve gjyqesore holandeze, që nuk nuk ka lejuar ne vitin 2019 pergjimin masiv te perdoruesve te SKY ECC.
Në seancën e ardhshme do të fillojë pyetja e dëshmitarëve të SPAK, ku i pari që do të rrëfehet është Jozi Kraja alias Ndoj, vëllai i viktimës Gjin Ndoj, i cili është ekstraduar nga Zvicra, pasi akuzohet në kuadër të dosjes Revanshi dhe më pas e dashura e viktimës.
