Këngëtari i njohur Jozefin Marku ka reaguar pas zërave se ai ishte shënjestra e lëndës plasëse të vendosur në një banesë në Fushë-Kuqe.
Përmes një videomesazhi në rrjetet sociale, Jozi mohoi kategorikisht që ngjarja të ketë lidhje me të, duke theksuar se autoritetet shtetërore kanë bërë tashmë një deklaratë të qartë mbi vendndodhjen e shpërthimit.
“Rreth asaj që po flitet për mua, nuk është e vërtetë. Organet shtetërore kanë nxjerrë një deklaratë shumë të qartë se ku ka ndodhur, ndërsa portalet hamendësojnë sikur të ishin pjesë e asaj ngjarjeje. Ju sqaroj se nuk qëndron kështu e vërteta,” tha këngëtari.
Ai gjithashtu falënderoi ndjekësit për mbështetjen dhe mesazhet e shqetësimit, duke shtuar se nuk e tronditin spekulimet:
“Faleminderit për secilin nga ju që ka shprehur merakun me mesazhe. Ju dua shumë. Mali nuk tundet se fryn era.”
