Një 26-vjeçar është arrestuar në Shkodër pasi dyshohet se ka kanosur një 20-vjeçar, duke qëlluar fillimisht me armë zjarri në ajër dhe më pas larguar nga vendi i ngjarjes.
Ngjarja ndodhi rreth orës 13:00 në afërsi të Stacionit të Trenit, në lagjen “Tre Heronjtë”. Pas njoftimit, forcat e Policisë së Shkodrës, në bashkëpunim me Forcën e Posaçme “Shqiponja”, organizuan menjëherë punën për identifikimin dhe kapjen e autorit.
Nga hetimet e para rezulton se konflikti kishte motive të dobëta. Gjatë ndërhyrjes, Policia gjeti edhe armën e zjarrit të përdorur nga i dyshuari.
Materialet procedurale do t’i kalojnë Prokurorisë pranë Gjykatës së Shkallës së Parë Shkodër për veprime të mëtejshme ligjore.
