Kamerat e sigurisë kanë fokusuar momentin e vrasjes së Kristian Kolës në Shkodër dhe hetuesit janë duke analizuar karakteristikat trupore të ekzekutorëve. Referuar pamjeve filmike rezulton se motorri ku janë dy autorët e veshur me rroba të zeza dhe skafandër e ka pritur shënjestrën për minuta më radhë.
Kristian Kola ka ardhur me makinën e tij, ka parkuar dhe është ulur në lokal. Një moment është larguar dhe kur është kthyer personi që ndodhej pas në motorr i është afruar dhe e ka qëlluar disa herë.
Klientët e lokalit largohen të tmerruar. Autorët janë larguar me pas në drejtim të Vaut të Dejës, përmes një rruge alternative dhe atje kanë humbur gjurmët. Lidhur me motivet policia po heton në Dukagjin prej nga është Kristian Kola.
