GJKKO i ka hequr masat e sigurisë ndaj Ajola Xoxës, ish-bashkëshortes së kryebashkiakut të Tiranës. Ajo ishte nën masën e sigurisë “detyrim për t’u paraqitur” në policinë gjyqësore dhe e kishte të ndaluar të dilte jashtë vendit.
Vendimi për heqjen e masave është marrë për shkak të gjendjes shëndetësore të saj. Xoxa kishte kërkuar më herët heqjen e masës së detyrimit për paraqitje, me argumentin se është shtatzënë dhe se nuk mund të paraqitet në prokurori pasi mjekët nuk ia këshillojnë.
Ajola Xoxa dhe bashkëshorti i saj, Erion Veliaj, janë të pandehur për korrupsion, pastrim parash dhe fshehje pasurie.
