Identifikohet personi që ka përdorur automjetin tip Audi që u përdor në vrasjen e biznesmenit Mondi Mehalla në Elbasan. Ai është Naldi Gj., dhe rezulton se ka qarkulluar me automjetin para se të ndodhte vrasja.
Automjeti është në pronësi të një prej kompanive të vetë viktimës. Në shtëpinë e Naldi Gj., është ushtruar kontroll dhe po shoqërohet në Elbasan të japë shpjegime për lëvizjet e tij gjatë ditëve të fundit dhe mbrëmjen e ngjarjes.
Mondi Mehalla u qëllua për vdekje në makinën e tij nga një person i maskuar. Mehalla është pronar i karburant Xhaxho Oil dhe El Taxi.
