Gjykata e Tiranës vendosi të cilësojë të paligjshëm arrestimin e dy policëve të komisariatit numër 3 në Tiranë, Bruno Cara dhe Arshim Zajmi. Ndaj tyre nuk u caktua masë sigurie.
Prokuroria kërkoi gjatë seancës masat e detyrimit për paraqitje dhe ndalim për të dalë jashtë vendit deri në sqarimin e plotë të rrethanave të hetimit.
Dy efektivët u proceduan nga Agjencia e Mbikëqyrjes Policore pasi kanë dhënë vërtetimin që Muçi Shaljani alias Sheqeri të niste punë si agjent në AMP. Muçi Shaljani alias Sheqeri ndërroi jetë sot në mëngjes në spitalin e Traumës pasi mbeti i plagosur në atentatin e Rinasit. Në atentat u vra mesditën e 11 nëntorit Gilmando Dani, krahu i djathtë i Emiliano Shullazit.
