Ish-drejtori i Policisë së Shtetit, Muhamet Rrumbullaku, është paraqitur këtë të enjte në ambientet e Prokurorisë së Posaçme.
Burime nga institucioni bëjnë me dije se Rrumbullaku është marrë në pyetje në lidhje me transferimin e një oficeri të Agjencisë së Mbikëqyrjes Policore në Berat. Ai është pyetur në cilësinë e personit që mund të ketë dijeni për rastin, në një hetim të drejtuar nga prokurorja Doloreza Musabelli.
Transferimi në fjalë ka çuar më herët në pezullimin nga detyra të drejtorit të AMP-së, Florjan Sulejmani. Fillimisht çështja u hetua nga prokuroria e Beratit, për t’u kaluar më pas për kompetencë në Prokurorinë e Tiranës.
Pas daljes nga SPAK, Rrumbullaku u ndal shkurt përpara gazetarëve, duke deklaruar:
“Kur të thërret drejtësia, duhet të paraqitesh.”
