Ish-shefja e AKSHIT Mirlinda Karçanaj u paraqit këtë të mërkurë në SPAK për të dëshmuar para oficerëve të BKH-së si person nën hetim. Ajo dyshohet si pjesë e grupit kriminal të drejtuar nga dy biznesmenët e shumëkërkuar Ergys Agasi dhe Ermal Beqiri, të cilët janë në arrati.
Pyetja e saj vjen pas rrëfimit tronditës të Daniel Shimës, ish-zv.drejtorit të përgjithshëm të AKSHIT, që u zhduk muaj më parë në mënyrë të mistershme për 10 orë me radhë. Burimet konfirmojnë se Shima ka implikuar ish-eproren e tij Karçanaj lidhur me paracaktimet e tenderave, ndaj për këtë arsye SPAK e thirri për ta pyetur sërish atë.
Ish-shefja e AKSHIT mbahet në arrest shtëpie. Ndërsa për ish-vartësen e saj Hava Delibashi u zbut masa nga arrest shtëpie në detyrim për paraqitje dhe ndalim për të dalë jashtë vendit.
