Gjykata e Posaçme njoftoi se me datë 13 gusht në orën 10 do të shqyrtojë kërkesën e ish-presidentit Ilir Meta për ndryshim të masës së sigurisë. Më herët, gjyqtari i posaçëm Erjon Bani vendosi të shpallë moskompetencën dhe çështja t’i kalojë gjyqtarit të hetimeve paraprake Erjon Çela.
Ilir Meta është i pandehur për korrupsion, pastrim parash e fshehje pasurie.
Ai kërkon lirinë për shkak se pretendon se nuk ka asnjë rrezik të prishë provat apo t’i shmanget hetimit, por me qëllimin që t’i rikthehet aktivitetit politik.
Vendimi për këtë kërkesë të tij pritet të firmoset me 13 gusht.
