Gjykata e Posaçme e Apelit për Korrupsionin dhe Krimin e Organizuar ka rrëzuar ankimin e bërë nga Ilir Meta lidhur me masën e sigurisë “arrest në burg”.
Vendimi u shpall sot, më 04.05.2026, nga gjyqtarja Saida Dollani, e cila vendosi mospranimin e ankimit të paraqitur nga i pandehuri përmes mbrojtësit të tij, avokat Kujtim Cakrani, kundër vendimit të mëparshëm të GJKKO-së së Shkallës së Parë.
Meta kërkonte zëvendësimin e masës së arrestit me masa më të lehta sigurie, si arrest në shtëpi, garanci pasurore, detyrim paraqitjeje ose ndalim i daljes jashtë shtetit, por kërkesa e tij nuk u pranua.
