Ilir Meta paraqet kërkesë të re për zëvendësim të masës së sigurisë “arrest me burg”. Kërkesa u depozitua ditën e sotme nga avokatët e ish-presidentit, duke pretenduar se nuk ka më asnjë rrethanë që të qëndrojë një paraburgim.
Sipas avokatëve, ai mbahet prej 16 muajsh në qelitë e paraburgimit dhe në kushtet kur ka përfunduar hetimi dhe është drejt fundit seanca paraprake, masa e sigurisë duhet zëvendësuar nga arrest me burg në ndonjë masë me të lehtë. Kohët e fundit Ilir Meta ka paraqitur disa kërkesa për zbutjen e masës, ndërsa në muajin prill pritet shqyrtimi i kërkesës së tij në Gjykatën Kushtetuese.
Të enjten e kësaj jave Gjykata e Posaçme pritet të përfundojë seancën paraprake dhe të vendosë për fatin e dosjes Meta-Kryemadhi. Ish-presidenti akuzohet për korrupsion, pastrim parash e fshehje pasurie në bashkëpunim me ish-bashkëshorten Monika Kryemadhi dhe tre të pandehur të tjerë. Ilir Meta i ka mohuar të gjitha akuzat e SPAK.
