Ish-ministri i Shëndetësisë Ilir Beqaj kërkon zëvendësim mase sigurie në Gjykatën e Posaçme. Sipas tij duhet të hiqet masa e arrestit me burg dhe të caktohet një masë më e lehtë sigurie. Beqaj ka ofruar garanci pasurore në shumën e 2 mln lekëve. Gjyqtarja Elsa Ulliri pritet ta shqyrtojë javën e ardhshme. Ndër të tjera Beqaj ka përdorur si argument të ri edhe vendimin unifikues të Gjykatës së Lartë për masat e sigurisë. Ilir Beqaj akuzohet për aferën e sterilizimit dhe po ashtu për abuzime me fondet e BE-së gjatë kohës që drejtonte agjencinë SASPAK.
