Të martën, më datë 31 mars orë 11:30, Gjykata e Posaçme do të shqyrtojë kërkesën e Ilir Beqaj, ish-ministër i Shëndetësisë për zëvendësimin e masës së sigurisë edhe kundrejt një garancie pasurore.
Beqaj, mbahet në paraburgimin e Durrësit, pasi është i pandehur për akuzën e korrupsionit me fondet e agjencisë SASPAK.
Ai do të synojë zbutjen e masës së sigurisë, për sa kohë hetimet kanë përfunduar dhe në këto kushte nuk ka më rrezik të prishë provat apo frikësojë dëshmitarët.
Beqaj është në gjykim për aferën e sterizilimit, ndërsa në shqyrtim paraprak dosja për abuzimet me fondet e BE-së.
