VNA u interesua pak më parë për të marrë informacion nga Inspektoriati i Lartë i Drejtësisë (ILD) lidhur me ndonjë ankesë të mundshme ndaj gjyqtarit Astrit Kalaja pranë këtij institucioni.
Sipas të dhënave paraprake, nuk rezulton të ketë asnjë ankesë të depozituar nga familja Shkambi ndaj gjyqtarit që u qëllua sot për vdekje në sallën e gjyqit nga Elvis Shkambi.
Për shkak të përfundimit të orarit zyrtar, ILD bën me dije se nuk disponon ende informacion të plotë mbi statusin e përgjithshëm të ankesave të mundshme të depozituara më herët ndaj gjyqtarit Kalaja.
