Policia e Torontos ka identifikuar autorin e dyshuar për vrasjen e 43-vjeçarit shqiptar Paulin Harusha, i cili u ekzekutua me armë zjarri më 13 shtator, teksa ndodhej në automjetin e tij. Sipas njoftimit zyrtar, i dyshuari është Meelad Tarin, 34 vjeç, banor i Torontos, ndaj të cilit është ngritur akuza për vrasje. Ende nuk janë bërë të ditura motivet e krimit, ndërsa hetimet vijojnë për zbardhjen e plotë të ngjarjes.
