Atentati ndaj Julit të Pashakos, ja çfarë fokusuan kamerat e sigurisë. Si u mbijetoi plumbave

Julian Sulo, i njohur si Juli Pashakos, i cili i mbijetoi një atentati ditën e djeshme në Lushnje, nuk ka pranuar të bashkëpunojë me policinë, duke deklaruar se nuk ka konflikte me askënd, ndonëse ai ka rekorde të shumta kriminale. Nga hetimet rezulton se kamerat e sigurisë fokusuan momentin kur ndaj Sulës u gjuajt me armë.

Referuar pamjeve filmike, dy persona të maskuar dhe me kapele kanë dalë nga makina dhe sapo kanë parë automjetin BMW ngjyrë të zezë të Julian Sulës, qëllojnë në drejtim të tij, njëri me kallashnikov, ndërsa tjetri me pistoletë. Hetuesit thonë se autorët. Juli Pashakos ka rritur shpejtësinë kur i ka shquar dhe për këtë arsye, plumbat e gjuajtur nga autorët kanë prekur makinën, dhe një plumb i ka shkaktuar një plagë të lehtë në këmbë.

Referuar kamerave të sigurisë, autorët janë larguar me shpejtësi dhe dogjën automjetin në fshatin Lifaj. Brenda automjetit u gjetën edhe armët e zjarrit.

Lidhur me këtë ngjarje, janë shoqëruar 18 persona dhe pista kryesore ku janë përqëndruar hetimet është larja e hesapeve mes grupeve kriminale.