Në Gjykatën e Posaçme në procesin ndaj Plaurent Devishaj dhe Julian Meçaj, të akuzuar për atentatin te mbikalimi i Shkozetit ku mbeti i vrarë Andi Maloku, ndërsa u plagosën Arjan Ndoj dhe Aleksandër Laho i njohur si Rrumi, dha dëshminë e tij biznesmeni Luan Mata, babai i të shumëkërkuarit për trafik kokaine Ervin Mata. Në vitin 2020 në hotelin e Luan Matës ka shpërthyer një sasi tritoli.
“Në vitin 2020 kam operuar në biznes privat. Kam hotel Viktoria dhe Viktoria Construksion. Nuk kam dijeni se kush e ka vendosur tritolin”, tha Luan Mata.
Julian Pjeteri i dënuar me 4 vite e 4 muaj burg, Genti Nderjaku i denuar me 5.4 vite burg, të dënuar për pjesëmarrje në këtë ngjarje nuk dhanë dëshmi në gjykatë, duke përfituar nga e drejta që u jep ligji. Edhe Amar Shkëmbi i ekstraduar nga Dubai, nuk dha shpjegime. Në proces u paraqit edhe Ramazan Rraja, nipi i ish-deputetit socialist Rrahman Rraja, i dënuar si pjesë e grupit të Dervishaj me 6 vite burgim, tha se do të dëshmojë kur të jetë i pranishëm dhe avokati i tij.
