Një 15-vjeçar, i cili kishte mbijetuar aksidentin rrugor në zonën e njohur si “Qafa e Koshovicës”, ka ndërruar jetë në Spitalin e Traumës.
Djali ishte shpëtuar vetëm disa ditë më parë falë ndërhyrjes së guximshme të efektivit 26-vjeçar, Klajdi Mustaj, i cili rrezikoi jetën duke nxjerrë nga automjeti të dëmtuar katër personat që ndodheshin brenda. Sipas burimeve zyrtare, automjeti kishte rrezik të shpërthente në flakë.
Ngjarja ndodhi të premten rreth orës 20:00, kur një automjet humbi kontrollin, përmbys dhe mbeti i bllokuar në anë të rrugës me katër persona të plagosur brenda. Situata u bë më alarmante kur nga automjeti filloi të dilte tym i dendur, duke rritur rrezikun e një shpërthimi.
