Në GJKKO nis seanca për caktimin e masës së sigurisë për Geraldo Fuçinë, pumonjës i IMT i cili dyshohet për korrupsion.
Dy punonjësit e IMT-së akuzohen se i kërkuan një qytetari shumën prej 1 mijë eurosh një personi për të mos i prishur tendën e lokalit. Ndaj dy ish-punonjësve të Inspektoriatit të Mbrojtjes së Territorit rëndon akuza e korrupsionit pasiv.
Klajdi Zhilla, punonjësi tjetër i IMT është vetëdorëzuar mbrëmë në Policinë e Tiranës dhe do të njihet me masën në një seancë të ndarë.
Njoftimi i Policisë:
Në vijim të operacionit policor të koduar “Hapësira publike”, specialistët e Sektorit për Hetimin e Korrupsionit në Drejtorinë për Hetimin e Krimeve Ekonomike dhe Financiare bënë ndalimin e shtetasit K. Zh., 35 vjeç, banues në Tiranë, inspektor i IMT, bashkia Tiranë, i cili u vetëdorëzua në Policinë e Tiranës.
Ky shtetas ishte i shpallur në kërkim, në kuadër të operacionit “Hapësira publike”, për veprat penale “Korrupsioni aktiv i personave që ushtrojnë funksione publike” dhe “Shpërdorimi i detyrës”, të kryera në bashkëpunim.
Materialet procedurale u referuan për veprime të mëtejshme në Prokurorinë e Posaçme kundër Korrupsionit dhe Krimit të Organizuar.
