Një sasi lënde plasëse është hedhur gjatë natës në një automjet të parkuar në oborrin e një banese në Selitë të Vogël. Ngjarja ka ndodhur rreth orës 03:20 të datës 19.12.2025.
Sipas informacioneve paraprake, automjeti është në pronësi të shtetasit Dritan Jano, 39 vjeç. Si pasojë e shpërthimit, janë shkaktuar vetëm dëme materiale, ndërsa nuk raportohet për persona të lënduar.
Policia bën me dije se mjeti ka qenë i parkuar në oborrin e banesës së pronarit në momentin e ngjarjes. Grupi hetimor ndodhet në vendngjarje dhe po punon për sqarimin e plotë të rrethanave, si dhe për identifikimin dhe kapjen e autorit ose autorëve të dyshuar.
