SPAK intensifikon hetimet ndaj ish-zv.kryeministres dhe ish-ministres së Infrastrukturës, Belinda Balluku dhe urdhëron të paktën 15 kontrolle, pasi ka dyshime të arsyeshme që mund të sigurojnë prova që i shërbejnë hetimit të ccështjes. Lajmi konfirmohet nga burime të besuara pranë institucionit të akuzës, të cilat theksojnë se kontrollet janë miratuar me vendim të Gjykatës së Posacme. Agjentët e Byrosë Kombëtare të Hetimit kanë zbarkuar që në mëngjes në banesa dhe zyra dhe kanë marrë prej andej celularë, dokumenta, por edhe pajisje të tjera.
Burimet konfirmojnë se këto kontrolle të reja lidhen me hetimet që prokurorët e posacëm po kryejnë në drejtim të disa transaksioneve të dyshuara bankare, që dyshojnë se lidhen në mënyrë të drejtëpërdrejtë me ish-numrin dy të qeverisë.
Këto kontrolle vijnë pas atyre të kryera në fund të dhjetorit 2025 dhe janarit 2026 ku u sekuestruan telefonë të biznesmenëve të njohur si Ilir Shtufi dhe Rrok Gjoka, etj të cilët po kqyren nga ekspertët.
Paralelisht me këto veprime hetimore, SPAK iu ka dhënë rrugë edhe letërporosive ku ka kërkuar informacion jashtë vendit për Belinda Ballukun dhe persona të bashkëlidhur me të.
Balluku është e pandehur për tenderin për ndërtimin e tunelit të Llogarasë dhe nën hetim për lotet e Unazës së Madhe.
SPAK kërkoi arrestimin e Ballukut, por maxhoranca socialiste votoi kundër. Ndaj ish-zv.kryeminitres mbeten në fuqi dy masa sigurie: Ndalim për të dalë jashtë vendit dhe pezullim nga ushtrimi i funksioneve.
