Prokuroria e Durrësit ka nisur hetimet për motrën e Lulzim Berishës, Luljeta Berisha, nën dyshimet për pastrim parash, pas një konflikti që lidhet me përdorimin e një tregu brenda në qytet.
Sipas informacionit, hetimi ka nisur mbi bazën e një kallëzimi të bërë nga një prej pronarëve të tregut, i cili pretendon se prona po i merret padrejtësisht. Në të njëjtën kohë, pronarja ka paraqitur një denoncim edhe në SPAK.
Çështja lidhet me një konflikt pronësie dhe përdorimi të tregut, për të cilin tashmë prokuroria ka nisur verifikimet për të sqaruar rrethanat dhe pretendimet e palëve.
Ndërkohë, Lulzim Berisha njihet si ish-kreu i Bandës së Durrësit. Ai ishte liruar më parë me kusht, por u arrestua sërish pasi u shpall në kërkim nga SPAK dhe aktualisht po gjykohet për vrasjen e Klodian Saliut.
