Henrik Hoxhaj, ish-i penduar i drejtësisë, ka vijuar dëshminë e tij në Gjykatën e Posaçme, duke dhënë detaje për vrasjet e kryera në Shënavlash të Durrësit. Ai deklaroi se ngjarja u organizua pas dyshimeve të Nuredin Dumanit se persona të lidhur me Altin Ndocin dhe Talo Çelën po tentonin t’i atribuonin atij ngjarje kriminale.
Sipas Hoxhajt, objektiv ishte Besmir Haxhia dhe ekzekutimi u krye gjatë periudhës së pandemisë, me pjesëmarrjen e tij dhe Nuredin Dumanit, ndërsa shofer ishte Klevis Alla. Ata përdorën armë zjarri dhe u maskuan me uniforma të rreme OFL. Sulmi ndodhi në trafik, ku u hap zjarr ndaj automjetit të viktimave.
Hoxhaj pohoi se për këtë vrasje kishte marrë 35 mijë euro dhe se nuk kishte pasur komunikim të drejtpërdrejtë me personin e njohur si “Krymi”. Ai shtoi se pas arrestimit të Klevis Allës, Dumani i kishte thënë të mos shqetësohej, ndërsa më pas kishte mësuar se Alla kishte përmendur Altin Ndocin dhe Talo Çelën si porositës të ngjarjes.
Vijimi i dëshmisë:
Më vonë kemi folur për Altin Ndocin.
Arsye, Nuredini thoshte se këta duan të mi ngecin mua ngjarjet e tyre.
Ka qenë kohë covidi. Tirana ishte bosh. Ndoci e kishte shtëpinë në Misto Mame, por aty bije në sy dhe nuk e gjeje dot.
Atëherë u vendos të vritej një nga vëllezërit Haxhia, që ky të vinte në varrim e më pas të ekzekutohej.
Sipas Nuredinit, këta ishin të gjithë bashkë me Talo Çelën.
Objektivi ishte Besmir Haxhia. Do ishte edhe Nuredini. Më duket se ma ka sjellë dhe një foto.
Unë isha bashkë me Nuredinin. Shofer ishte Klevis Alla. Kur kam shkuar për këtë ngjarje kam qëndruar 2 ditë tek shtëpia e Nuredinit.
Besmiri kishte ca makina me qira dhe nje agjenci turistike.
Për ngjarjen përdorëm 3 kallashnikove dhe një armë brezi.
Ekzekutorë do ishim unë dhe Nuredini. Ai donte ta benim tek një lokal bastesh, ta thërriste. Unë nuk pranova. I thashë, ka shumë njerëz, do vriten njerëz kot.
Më vonë u nisëm me një "toyota" me portobagazh. Unë kam pasur kallashnikov në dorë. Kisha edhe një armë të shkurtër aty pranë. Veshjet i kishim uniforma OFL. Patëm edhe maska silikoni, po nuk e vura.
Dolëm.në drekë nga shtëpia. Në shënavlash, kur kaloi makina e tij, shoferi jonë e pa që ishte me vëllanë. I tha Nuredinit, që është me vëllanë. E mirë, tha, i vrasim.
I ndoqem për pak. Ata ecnin shpejt. Pastaj u bllokuan në trafik. I dolëm në anësore dhe hapëm zjarr. Qëllova edhe unë dhe Nuredini.
Nuredini zbriti nga makina. I thashë pse del kot, se kanë mbatuar. Nuredini qëlloi por ju bllokua arma. Pastaj ju bllokua edhe tjetra. Pastaj mora unë armën. Zbrita dhe godita disa herë. Unë godita shoferin.
Shoferi na coi tek makina e Nuredinit dhe shkuam në Tiranë. Kapuçët i hodhëm në Vorë. Armët i lamë në makinën, që e mori shoferi.
35 mijë euro mora edhe për këtë.
Unë nuk kisha komunikim me Krymin.
Kur mora vesh që ishte arrestuar Klevis Alla, i thashë Nuredinit, ca bën, na more në qafë. Nuredini tha, mos u shqetëso.
Kur është kapur ai, ka thëbë që Altin Ndoci dhe Talo Çela kanë qenë mbrapa. Unë u habita, thashë ca thotë ky.
