Skandal në Akademinë e Policisë në Tiranë. Mbi 50 kursantë kanë përfunduar në spital me shenja të helmimit dhe kanë marrë ndihmë mjekësore. Burimet thanë se kursantët dyshohet të jenë helmuar nga ushqimi. Simptomat që ata paraqisnin ishin të vjella dhe diarre. Pasi kanë marrë ndihmën mjekësore ata janë larguar për në banesa, ndërsa vetëm dy prej tyre ndodhen ende në spital. Lidhur me rastin po kryhen hetime për të përcaktuar shkakun e helmimit të kursantëve. Akademia e Sigurisë e siguron shërbimin ushqimor përmes një kompanie private kateringu, e cila ofron tre vaktet ditore për studentët.
